- सुन चाँदी दर
- विनिमय दर
- नेपाली पात्रो
- राशिफल
काठमाडौं । म्यान्चेस्टर युनाइटेड कीर्तिमानसहित एफए कप फुटबलको फाइनलमा पुगेको छ ।
शनिबार राति भएको खेलमा टोटनह्याम हट्स्परलाई २–१ ले हराउँदै युनाइटेड एफए कपको फाइनल पुगेको हो ।
युनाइटेडले सबैभन्दा बढी २०औं पटक एफ ए कपको फाइनल पुग्ने टिमको कीर्तिमान बनाएको हो ।
घरेलु मैदान ओल्ड ट्राफोर्डमा भएको खेलमा ११ औं मिनेटमा डेल अलीले गोल गर्दै टोटनह्यामलाई अग्रता दिलाए पनि त्यसपछि युनाइटेडले लगातार दुई गोल गर्यो ।
२४ औं मिनेटमा एलेक्सिस सान्चेजले तथा ६२ औं मिनेटमा एन्डर हरेराले गोल गरे ।
यो जीतले भने होजे मौरिन्होलाई राहत मिलेको छ । प्रिमियर लिगको पुछारमा रहेको टिमसंग समेत पराजय भोगेपछि गतहप्ता मोरिन्होको आलोचना भएको थियो ।
म्यान्चेस्टर युनाइटेड प्रिमियर लिगको उपाधि होडबाट बाहिरिए पनि दोस्रो स्थानका लागि संघर्षरत छ ।
एफएक कपको उपाधिका लागि म्यान्चेस्टर युनाइटेडले अब चेल्सी र साउथह्याम्टनबीचको विजेतासँग खेल्नेछ ।
दोस्रो सेमिफाइनल खेल आइतबार राति हुँदैछ ।