- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाली राष्ट्रिय क्रिकेट टिमका भरपर्दा स्पीन बलर सन्दीप लामिछाने सम्मिलित टिम दिल्ली डेयर डेभिल्सको आइपीएलमा खराव यात्रा जारी छ ।
घरेलु मैदानमा समेत पराजित भएपछि दिल्ली शिर्ष चारमा पर्ने सम्भावनाबाट टाढिँदै गएको छ । दिल्लीले घरेलु मैदानमा हार बेहोर्दा भने सन्दीप एक खेल पनि खेल्न नपाउने सम्भावना बढेको छ ।
दिल्लीले ट्वीटर साइटमा सन्दीपले सोमबार रातिको खेलमा किंगस इलाभेन पंजाब विरुद्ध खेल्ने सम्भावना रहेको भन्दै तस्वीर पोष्ट गरेको थियो ।
तर त्यो केवल सन्दीपका समर्थकलाई आफ्नो खेमामा पार्ने लक्षण रहेछ । दिल्लीलाई पंजाबले ४ रनले हरायो ।
खेलमा टस हारेर पहिले ब्याटिङ गरेको पंजाबले ८ विकेटको नोक्सानीमा १४३ रन मात्रै बनायो । करुण नायरले ३४ तथा डेभिड मिलरले २६ रन जोडे ।
इंगल्याण्डका खेलाडी लियाम प्लंकेटले १७ रन खर्चेर ३ विकेट लिए ।
जवाफमा दिल्लीले ८ विकेटकै नोक्सानीमा १३९ रन बनाउन सक्यो ।
श्रीयस ऐयरले ५७ रन जोडे । कप्तान गौतम गम्भीरले १३ बलमा ४ रन मात्रै बनाउन सके ।
घरेलु मैदानमै बेहोरेको यो हारले दिल्लीले नयाँ खेलाडीलाई अवसर दिने सम्भावना कमजोर बन्दै गएको छ ।
यसको सबैभन्दा बढी मार सन्दीपलाई पर्न सक्नेछ । र, पनि दिल्लीको यो मैदान स्पिन फेबरको मैदान भएकाले यो मैदानमा हुने कुनै न कुनै खेलमा सन्दीपको डेब्यु हुनेछ ।
डेब्युमा चमत्कार गर्न सके उनले राम्रो एक्सपोजर पाउने छन् ।
दिल्लीको ६ खेलबाट २ अंक मात्रै छ र पुछारमा छ । पुछारबाट दोस्रो स्थानमा रहेको मुम्बई इन्डियन्सको पनि २ अंक नै छ ।
मुम्बईले मंगलबार राति सनराईजर्स हैदरावादसंग खेल्दैछ ।
लिगमा ६ खेलबाट १० अंकको पंजाब शिर्ष स्थानमा छ ।