- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतमा चलिरहेको आइपिएल क्रिकेटमा रोयल च्यालेन्जर्स बैंगलोर कमजोर बन्दै गएको छ । बैंगलोरले घरेलु बैंगलुरुमा बुधबार राति भएको खेलमा चेन्नई सुपर किंग्ससंग ५ विकेटको हारको सामना गर्नुपर्यो ।
खेलमा पहिले ब्याटिङ गरेको बैंगलोरले सम्मानजनक ८ विकेटको नोक्सानीमा २०५ रन बनायो । एविडे भिलियर्सले ३० बलमा ६८ रन बनाए । मन्दिप सिंहले १७ बलमा ३२ रन थपे ।
दयाने ब्राभो इम्रान ताहिर, र सर्दुल ठाकुरले २–२ विकेट लिए ।
जवाफमा चेन्नईले २ बल खेल्न बाँकी छँदै ५ विकेटको क्षतिमा जित हासिल गर्न सफल भयो ।
यो खेलपछि चेन्नई ६ खेलबाट १० अंकसहित शिर्ष स्थानमा पुगेको छ । बैंगलोर ४ अंकसहित छैटौं स्थानमा छ ।
अम्बाटी रायुडुले ५३ बलमा ८२ तथा कप्तान महेन्द्र सिंह धोनीले ३४ बलमा नटआउट ७० रन बनाएर जिताए ।