रोनाल्डो बिना नै जित्यो रियाल मड्रिड, यसकारण खेलेनन् रोनाल्डोले
प्रकाशित २०७५ वैशाख १६ आइतबार
432
Shares
काठमाडौं । क्रिष्टियानो रोनाल्डो बिना नै मैदानमा उत्रिएर रियाल मड्रिडले स्पेनिस लिग ला लिगा फुटबलमा जित हासिल गरेको छ ।
रियालले शनिबार रातिको खेलमा रेलिगेशन क्षेत्र लगभग टारेको लेगनसलाई घरेलु मैदानमा २–१ ले पराजित गर्न सफल भयो ।
रियाललाई जताउन ग्यारेथ बेल र बोर्जा मायोरलले १–१ गोल गरे । लेगनेसका डार्को ब्रासानाकले एक गोल फर्काए । लेगनेसका गाब्रियलले इन्जुरी समयमा रातो कार्ड खाएका थिए ।
किन खेलेनन् रोनाल्डो ?
क्रिष्टियानो रोनाल्डो घाइते छैनन् । र पनि उनले खेलेनन् । नखेल्नुको पछाडि एउटा कारण छ ।
मंगलबार च्क्याम्पियन्स लिग फुटबलको सेमिफाइनलको दोस्रो लेग छ । रियाल पहिलो लेगमा सफल भए पनि जर्मन क्लव बायर्न म्युनिख विरुद्ध दोस्रो लेगमा पनि सफलता पाउन उनी आराम गरेर कसेको क्लवले जनाएको छ ।
पहिलो लेगमा रियाल २–१ ले विजय भएको थियो । रोनाल्डो नहुँदा बेलले कप्तानको आर्मब्यान्ड लगाएका थिए ।
यो जितले भने रियाल मड्रिड प्रिमियर लिगको दोस्रो स्थानमा रहने पक्का हुँदै गएको छ । रियालको ३४ खेलबाट ७१ अंक भएको छ । दोस्रो स्थानको एथलेटिकोको ७२ अंक छ । एक खेल कम खेलेको बार्सिलोना ८३ अंकसहित शिर्ष स्थानमा छ ।
