लिभरपुल च्याम्पियन्स लिग फुटबलको फाइनलमा, एएस रोमा ७–६ ले पराजित
प्रकाशित २०७५ वैशाख २० बिहिबार
474
Shares
काठमाडौं । इंगलिस प्रिमियर लिग क्लव लिभरपुल च्याम्पियन्स लिग फुटबलको फाइनलमा पुगेको छ । बुधबार राति भएको सेमीफाइनलको दोस्रो लेगमा इटालियन सिरिए क्लव एएस रोमासँग ४–२ ले पराजित भए पनि एग्रिगेशनमा ७–६ को जितका साथ लिभरपुल फाइनलमा पुगेको हो ।
लिभरपुलका लागि सादियो माने र विज्डाल्नमले गोल गरे भने रोमाका लागि नाइनगोलनले २ तथा जेकोले १ गोल गरे ।
रोमाले गोलको खाता भने लिभरपुलका जेम्स मिल्नरले आत्मघाती गरेपछि खोलेको थियो ।
रोमाको मैदानमा घरेलु क्लवले सशक्त खेले पनि फाइनल प्रवेशका लागि पर्याप्त भएन ।
पहिलो लेगको खेलमा लिभरपुलले घरेलु मैदानमा ५–२ को जित निकालेको थियो ।
लिभरपुल सन् २००७ पछि पहिलो पटक च्याम्पियन्स लिगको फाइनलमा पुगेको हो ।
अब उपाधिका लागि लिभरपुलले च्याम्पियन्स लिगको १२ पटकको विजेता स्पेनिस क्लव रियाल मड्रिडको सामना गर्नेछ ।
रियालले जर्मन क्लव बायर्न म्युनिखलाई ४–३ ले हराएको थियो ।
