- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिस लिग फुटबलमा बार्सिलोनाले सानदार जित निकाल्दा रियाल मड्रिड निरिह बनेको छ ।
उपाधि जितिसकेको बार्सिलोनाले भिल्लारियललाई घरेलु मैदानमा ५–१ ले हरायो । बार्सिलोनालाई जिताउन डेम्बेलेले २ तथा लिओनल मेस्सी, पिलिप्पे कौटिन्हो र पाउलिनीले १–१ गोल गरे ।
क्याम्प नोउको यो जितसंगै बार्सिलोनाको ३६ खेलबाट ९० अंक भएको छ । सिजनमै कीर्तिमानी अपराजित यात्रा राख्नका लागि अब केवल बार्सिलोना २ खेल टाढा छ । बार्सिलोनाले २७ खेलमा जित निकाल्दा ९ खेल बराबरी गरेको छ ।
रियाल मड्रिड भने पराजित भएको छ । रियाल सेभिल्लासंग उसकै मैदानमा ३–२ ले पराजित हुन पुगेको हो ।
सर्जियो रामोसले भिलेन खेलेपछि रियाल पराजित भएको हो । रामोस पेनाल्टी हान्न चुकेनन् मात्र आफ्नै पोष्टमा आत्मघाती गोल पनि हाने । मायोरलले रियाललाई पहिलो र इन्जुरी समयमा रामोसले दोस्रो गोल गरेका थिए ।
सेभिल्लाका लागि येद्दर र लायुनले १–१ गोल गरे ।
यो खेलपछि लिगमा दोस्रो स्थानको एथलेटिको मड्रिडको ७५ अंक छ भने समान ३६ खेलबाट रियाल मड्रिडको ७२ अंक छ ।