-
-
-
-
काठमाडौं इटालियन फुटबल क्लव युभेन्टसले इतिहास रच्दै ईटालियन लिग (सिरी ए) को उपाधि जितेको छ । युभेन्टसले लगातार सातौं पटक सिरी ए उपाधि जितेको हो ।
आइतबार राति भएको खेलमा एएस रोमासँग गोलरहित बराबरी खेल्दै युभेन्टसले एक खेलअघि नै उपाधि जितेको हो ।
नेंगोलानले ६८ औं मिनेटमा दोहोरो पहेंलो कार्ड खाएर मैदान छाडेपछि १० जनामा समेटिए पनि घरेलु मैदानमा रोमाले युभेन्टसलाई गोल गर्न भने दिएन ।
सिजनको एक खेलमात्र खेल्न बाँकी रहँदा दोस्रो स्थानको नापोलीभन्दा ४ अंकले अग्रता बनाएसंगै युभेन्टसले उपाधि पक्का गरेको हो ।
३७ खेलबाट युभेन्टसको ९२ अंक छ भने दोस्रो स्थानको नापोलीको ८८ अंक छ ।
सन् २०११–१२ सिजनदेखि युभेन्टसले लगातार लिगमा कब्जा जमाउँदै आएको छ ।
