-
-
-
-
काठमाडौं । स्पेनिस लिग ला लिगा फुटबलमा बार्सिलोनाको हेप्पी इन्डिङ भएको छ । बार्सिलोनाले लिगमा मात्र एक हार बेहोरेको छ । बार्सिलोनाले यो सिजनको अन्तिम खेलमा रियाल सोसिडाडलाई १–० ले हरायो । ५७ औं मिनेटमा फिलिप्पे कौटिन्होले निर्णायक गोल गरे ।
बार्सिलोनाले ९३ अंक बटुल्यो । ९९ गोल गर्दा २९ गोलमात्र खायो । दोस्रो स्थानको एथलेटिको मड्रिडले आइबारसंग २–२ को बराबरी खेल्यो । मड्रिडले ७९ अंक जोड्यो । डिफेन्डिङ च्याम्पियन रियाल मड्रिडले ७६ अंकमात्र बटुल्यो ।
बार्सिलोनाबाट एन्द्रेस इनेस्ताको विदाइ भएको छ । मिडफिल्डर इनेस्ताको नोउ क्याम्पमा २२ वर्षे करियर सकिएको हो ।
उनको भावपूर्ण विदाई गरिएको छ ।
