-
-
-
-
काठमाडौं । स्पेनिस खेलाडी राफेइल नाडाल पुनः विश्व नम्बर १ टेनिस खेलाडी बन्ने भएका छन् । इटालियन ओपन टेनिसको उपाधि आठौं पटक जितेपछि नाडाल पुनः विश्व बरियताको शीर्ष स्थानमा उक्लने भएका हुन् ।
आइतबार राति भएको फाइनलमा जर्मन खेलाडी एलेक्जेन्डर भरेभलाई हराउँदै नाडालले उपाधि जितेका हुन् । रोममा भएको फाइनलमा नाडालले भरेभको एक सेटको अग्रतालाई उल्ट्याएका हुन् ।
पहिलो सेटमा भरेभले नाडाललाई ६ – १ ले हराए । दोस्रो सेटमा नाडाल ६ – १ ले नै विजयी भए । तेस्रो तथा अन्तिम सेटमा नाडालले ६ – ३ को जित निकाल्दै उपाधिमा कब्जा जमाए ।
अब नाडाल अर्को आइतबारबाट सुरु हुने फ्रेन्च ओपन अगाडि विश्व बरियताको शीर्ष स्थानमा फर्किने छन् ।
महिलातर्फ एलिना भितोलिनाले उपाधि जितेकी छिन् । भितोलिनाले सिमोना हालेपलाई ६–० र ६–४ ले हराइन् ।
