सेरेना विलियम्सको सेक्सी अवतार, ५०० दिनपछि कोर्टमा, नाडालको राज फेरि
प्रकाशित २०७५ जेठ १६ बुधबार
419
Shares
काठमाडौं । २१ औं शताब्दीकी सर्वाधिक ग्राण्डस्लाम विजेता अमेरिकी टेनिस खेलाडी सेरेना विलियम्सले ग्राण्डस्लाममा कमब्याक गरेकी छिन् । वर्षको दोस्रो ग्राण्डस्लाम फ्रेन्च ओपनबाट सेरेनाले झण्डै ५०० दिनपछि कमब्याक गरेकी हुन् ।
पेरिसमा सुरु भएको फ्रेन्च ओपनको पहिलो खेलमा सेरेनाले चेक रिपब्लिककी क्रिस्टेना प्लिस्कोभालाई २–० को सोझो सेटमा हराइन् ।
३६ वर्षीया सेरेनाले प्लिस्कोभालाई ७–६ र ६–० ले पराजित गरिन् ।
सेरेना बच्चाको आमा बनेपछि पहिलो पटक ग्राण्डस्लाममा उत्रेकी हुन् । उनी गर्भवती भएदेखि अहिलेसम्म ५०० दिन कोर्टबाट टाढा भइन् ।
यस्तै, अर्को खेलमा पूर्व च्याम्पियन रसियन खेलाडी मारिया सारापोभाले पनि दोस्रो चरणमा स्थान बनाइन् ।
उनले रिचेल होगेनकाम्पलाई ६ – १, ४– ६ र ६ – ३ ले हराइन् ।
पुरुषतर्फ विश्व नम्बर १ स्पेनिस खेलाडी रफायल नाडालले सिमोन बोलेलीलाई ३ –० को सोझो सेटमा पाखा लगाउँदै अर्को चरणमा प्रवेश गरे । नाडाल अब निरन्तर १ नम्बरमै रहने लक्ष्यसहित खेलिरहेका छन् । उनी गतहप्तामात्र १ नम्बरमा आएका थिए । नाडाल लामो समयपछि पुनः १ नम्बरमा आएका हुन् ।
