- सुन चाँदी दर
- विनिमय दर
- नेपाली पात्रो
- राशिफल
काठमाडौं । फ्रेन्च ओपन टेनिसको चौथो चरणमै दुई पूर्व विश्व नम्बर १ खेलाडीहरु अमेरिकन सेरेना विलियम्स र रसियन मारिया सारापोभा भिड्ने भएका छन् ।
बच्चाकी आमा भएर ५०० दिनपछि कोर्टमा फर्केकी सेरेनाले तेस्रो चरणमा ११ औं वरियताकी जुलिया गोर्जेजलाई ६–३ र ६–४ को सेटमा हराउँदै प्रिक्वार्टरफाइनलमा ठाउँ बनाइन् ।
त्यसैगरी विभिन्न उतारचढावबीच आएकी सारापोभाले छैटौं वरियाताकी क्यारोलिन प्लिस्कोभालाई ६–२ र ६–१ हराइन् ।
हेड टु हेड
सेरेना र सारापोभा दुवै फर्ममा देखिएका छन् । दुवै बीचको भिडन्तमा भने सेरेना अगाडि छन् ।
२१ भेटमा सेरेना विजयी हुँदा मात्र २ खेल सारापोभाले आफ्नो पक्षमा पारेकी छिन् ।
यसपटक सारापोभा पनि निकै आक्रामक खेलिरहेकाले खेल आफ्नो पक्षमा पार्न बेर नलगाउने अनुमान गरिएको छ ।
महिलातर्फका अन्य खेलमा मुगुरुजा, गार्सिया। कोन्टाभेट, केर्बर, सुरेन्को, मेर्टेन्स, स्टेफेन्स, हालेप, वोज्नियाकी, किज्, बुजार्नेस्कु, पुतिनसेभा, स्ट्राइकोभा र कासात्किना प्रिक्वार्टरफाइनलमा पुगेका छन् ।
पुरुषतर्फ विश्व नम्बर १ रफाइल नाडाल, खाचानोभ, हुँवा मार्टिन डेल पोट्रो, फोग्निनी, गोफिन, एन्डरसन, सिरिच, मार्टेरर, समार्टजमान, इस्नर, भेरेभ, भर्डास्को, थिम, निसिकोरी र सेसिनाटो प्रिक्वार्टरफाइनलमा पुगेका छन् ।