सन्दीप लामिछाने क्यानेडियन लिगमा, बढ्यो पारिश्रमिक, यो नालीबेली
प्रकाशित २०७५ जेठ २१ सोमबार
785
Shares
काठमाडौं । नेपाली क्रिकेटका ‘हीरा’ सन्दीप लामिछानेले क्यानेडियन लिग पनि खेल्ने भएका छन् । हर दिनलाई निकै उत्साहका साथ स्वागत गरिरहेका सन्दीप एक पछि अर्को सफलताको खुड्किलो चढ्ने क्रममा क्यानेडियन लिगमा खेल्न पाउने भएका हुन् ।
गत महिना इण्डियन प्रिमियर लिग आईपीएलमा खेल्ने अवसर पाएर विश्वसामु आफू हीरा नै भएको प्रमाणित गरेका सन्दीपले त्यसपछि केही दिनअघि बेलायतको लर्डसमा विश्व ११ बाट अन्तराष्ट्रिय टी–२० मा डेब्यु गरेका थिए ।
अब भने उनी क्यानडातिर लाग्नेछन् । जुन २८ तारिखदेखि सुरु हुने जी टी २० क्यानेडियन लिगमा सन्दीपलाई मोन्ट्रेल टाइगर्स क्लबले लिएको हो ।
बोलकबोलको छैटौं चरणमा अनुबन्ध गरेपछि उनको पारिश्रमिक ४० हजार डलर हुनेछ । पहिलो चरणमा खेल्नेले ९० हजार डलर पाउँछन् ।
सन्दीप रहेको क्लबमा लसिथ मालिंगा, सुनील नाराइन, थिसरा परेरा, दिनेश रामदिन, मोहम्मद हाफिज, सिकन्दर राजा, दासुन शंका, इसुरु उदाना, जर्ज वर्कर, नाजिबुल्लाह जद्रान, सेसिल पेर्भेज, रेयनखान पठान लगायत खेलाडी छन् ।
यो प्रतियोगितामा जम्मा ६ वटा टीम छन् । को को छन् त टीम र खेलाडीहरु ? यो तस्वीरमा
