- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतले पहिलो टी–२० क्रिकेट खेलमा आयरल्याण्डलाई ७६ रनले हराएको छ । डब्लिनमा बुधबार राति भएको खेलमा भारतले पहिले ब्याटिङ गर्दै ५ विकेटको नोक्सानीमा २०८ रन बनायो ।
पहिलो विकेटका लागि एक सय ६० रनको साझेदारी गर्ने क्रममा रोहित शर्माले ९७ तथा शिखर धवनले ७४ रन बनाए । रोहितले ६१ बलमा उक्त योगफल जोडे पनि तीन रनले सतक बनाउन चुके ।
पछिल्लो ४८ रन बनाउन भने भारतले ५ विकेट गुमायो । अन्तिम ओभरमा पिचर चेजले कप्तान विराट कोहलीलाई ० मा महेन्द्र सिंह धोनीलाई ११ रनमा र रोहितलाई आउट गरेका थिए ।
जवाफमा जेके सांसनको ६० रनको मद्धतमा आयरल्याण्डले ९ विकेटको नोक्सानीमा १३२ रनमात्र बनाउन सक्यो ।
कुलदिप यादवले २१ रन दिएर ४ विकेट लिए । उनी म्यान अफ द म्याच भए । युजभेन्द्र चाहालले ३ विकेट लिए ।
दुई खेलको श्रृंखलाको दोस्रो खेल शुक्रबार हुनेछ । यसपछि भने भारतले इंगल्याण्डसंग खेल्नेछ ।