-
-
-
-
काठमाडौं । पहिलो पटक भारतले इंग्ल्यान्डविरुद्ध टी–२० क्रिकेटको शृङ्खला जितेको छ । आइतबार राति भएको तेस्रो तथा अन्तिम खेलमा इंग्ल्यान्डलाई ७ विकेटले हराउँदै भारतले शृङ्खला २–१ ले जितेको हो ।
ब्रिस्टोलमा पहिले ब्याटिङ गरेको इंगल्याण्डले ९ विकेटको नोक्सानीमा १९८ रन जोड्यो । जेसन रोयले ६७ रनको योगदान दिए । हार्दिक पाण्डेयले ३८ रन खर्चेर ४ विकेट लिए ।
जवाफमा भारतले १८.४ ओभरमा ३ विकेटको क्षतिमा विजय लक्ष्य पूरा गर्यो । रोहित शर्माले नटआउट १०० रन बनाए । कप्तान विराट कोहलीले ४३ रनको योगदान दिए ।
अलराउन्डर पाण्डेयले १४ बलमा नटआउट ३३ रन बनाए । भारतले पहिलो पटक इंगल्याण्डलाई उसकै भूमिमा टी–२० मा हराएको हो । उसले श्रृङ्खला नै जित्यो ।
अब भारतले बिहिबारदेखि तीन खेलको एक दिवसीय शृङ्खला खेल्नेछ ।
