प्रिमियर लिगमा चेल्सीको गतिलो सुरुवात, को को भए विजयी
प्रकाशित २०७५ साउन २७ आइतबार
235
Shares
काठमाडौं । इंगलिस प्रिमियर लिग फुटबलमा चेल्सीले विजयी सुरुवात गरेको छ । पूर्व विजेता चेल्सीले हडर्सफिल्ड टाउनलाई उसकै मैदानमा ३–० ले हरायो ।
चेल्सीका लागि ३४ औं मिनेटमा एनगोलो काँटेले सुरुवाती गोल गरे । ४५ औं मिनेटमा योर्गिन्होले पेनाल्टीबाट दोस्रो गोल गरे भने ८० औं मिनेटमा पेड्रो रोड्रिग्वेजले तेस्रो गोल गरे ।
यो जितसंगै चेल्सीका नयाँ म्यानेजर माउरिजियो सार्रीले पनि विजयी यात्रा थालेका छन् ।
लिगका शनिबार रातिका अन्य खेलमा विजयी हुँदै टोटनह्याम हट्सपर, एएफसी बर्नमाउथ, क्रिष्टल प्यालेस र वाट्फोर्डले पनि सिजनमा विजयी सुरुवात गरेका छन् ।
टोटनह्यामले न्युकासल युनाइटेडलाई २–१ ले, बर्नमाउथले कार्डिफ सिटीलाई २–० ले, क्रिृस्टल प्यालेसले फुल्हमलाई २–० ले र वाट्फोर्डले ब्राइटनलाई २–० ले हरायो ।
एभर्टन र वुल्भरह्याम्पटनले भने २–२ को बराबरी खेले ।
यसअघि उद्घाटन खेलमा म्यान्चेस्टर युनाइटेडले लेस्टर सिटीलाई २–१ ले हराएर विजयी सुरुवात गरेको थियो ।
