काठमाडौं । स्पेनिस फुटबल क्लव रियाल मड्रिडको प्रिसिजन खेलमा जितको यात्रा कायमै रहेको छ । रियालले अन्तर्राष्ट्रिय मैत्रिपूर्ण खेलमा इटालियन क्लव एसी मिलानलाई ३–१ ले हरायो ।
आइतबार बिहान सम्पन्न खेलमा रियाललाई जिताउन करिम बेन्जेमाले दोस्रो मिनेटमै गोल गरे ।
चौथो मिनेटमा गोन्जालो हाइगुएनले गोल गर्दै १–१ को बराबरी गरे ।
४५ औं मिनेटमा ग्यारेथ बेलले गोल गर्दै रियाललाई अगाडि बढाए ।
इन्जुरी समयमा बोर्जा मायोरलले गोल गर्दै रियाललाई ३–१ ले हराए ।
रियालले चर्चित खेलाडी क्रिष्टियानो रोनाल्डोको अभाव खड्किन त दिएको छैन नै अझ बलियो भएर आएको छ ।
मैत्रिपूर्ण अन्य खेलमा लेभान्तेले रियाल जारागोजालाई पेनाल्टी सुटआउटमा, भ्यालेन्सियाले बायर लिभरकुजेनलाई ३–० ले र रियाल बेटिसले लास पल्मसलाई ४–० ले हरायो ।
