- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिस सुपर कप फुटबलको उपाधि क्याटलान क्लब बार्सिलोनाले जितेको छ । सोमबार बिहान भएको खेलमा बार्सिलोनाले ला लिगा प्रतिद्धन्द्धी सेभियालाई २–१ ले पराजित गर्यो ।
३२ औं संस्करणमा सर्वाधिक १३ औं पटक सुपर कप च्याम्पियन बनाउन जेरार्ड पिके र औसमाने डेम्बेलेले गोल गरे । सेभियाका लागि पाब्लो सारावियाले गोल गरे ।
एक गोलले पछि परेको बार्सिलोनाले उक्त स्थिति उल्टाएर उपाधि जितेको हो । ९ मिनेटमै साराबियाले गोल गरेपछि बार्सिलोना पछि परेको थियो ।
४२ औं मिनेटमा पिकेले बराबरी गोल फर्काए । ७८ औं मिनेटमा डेम्बेलेले गोल गर्दै बार्सिलोनालाई २–१ को अग्रता दिलाए ।
इन्जुरी समयमा सेभियाले पेनाल्टीमा गोल गर्न सकेन । विलियम बेन येदारइन्जुरी समयमा गोलरक्षक मार्क आन्द्रे टेर स्टेगनले एलेक्स भिडाललाई लाएपछि सेभिल्लाले पेनाल्टीको मौका पाएको थियो । विसाम विन येडरको पेनाल्टी प्रहार गोलरक्षक स्टेगनले विफल पारेका थिए ।
स्पेनिश लिगको नयाँ सिजन सुरु हुनुअघि पाएको यो सफलताले बार्सिलोना कप्तान लियोनल मेस्सीलाई भने उत्साही बनाएको छ । विश्वकप फुटबलमा अर्जेन्टिना राउन्ड अफ सिक्सटिनबाटै बाहिरिएपछि मेस्सी निकै नै चिन्तामा थिए ।
व्यवसायिक खेलमा पाएको सफलताले मेस्सी त उत्साही बने नै उनका फ्यानलाई समेत खुशी मिलेको छ ।