- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश लिग ला लिगा सुरु हुनुअघि भएको युएफा सुपर कप फुटबलको उपाधि एथलेटिको मड्रिडले जितेको छ । एथलेटिकोले रियाल मड्रिडलाई ४–२ ले पराजित गरेको हो ।
डिएगो कोस्टाले दुई गोल गरेपछि एथलेटिकोको भाग्य बलियो बनेको हो । निर्धारित ९० मिनेटसम्म २–२ को बराबरी भएपछि थपिएको ३० मिनेटमा एथलेटिकोले २ गोल थपेको थियो ।
खेल सुरु भएको ४९ सेकेन्डमै गोल गर्दै कोस्टाले एथलेटिकोलाई अग्रता दिलाएका थिए । तर करीम बेन्जेमाले २७ औं मिनेटमा गोल गर्दै खेल बराबरीमा ल्याए ।
६३ औं मिनेटमा रियालले पेनाल्टीको अवसर प्राप्त गर्यो । डिफेन्डर जानफ्रानले पेनाल्टी क्षेत्रभित्र ह्याण्ड गरेपछि रेफ्रीले पेनाल्टी दिएका थिए । कप्तान सर्जियो रामोसले पेनाल्टीमा सहजै गोल गरे । खेल सकिन ११ मिनेट बाँकी छँदा कोस्टाले खेल पुनः बराबरीमा ल्याए ।
अतिरिक्त समयमा एटलेटिकोले दुई गोल गर्दै सिजनको पहिलो उपाधि जित्यो । साउल निगुएजले ९९ औं तथा त्यसको पाँच मिनेटपछि कोकेले गोल गर्दै रियाललाई सिजनको पहिलो खेलमा पराजित गरे ।