- सुन चाँदी दर
- विनिमय दर
- नेपाली पात्रो
- राशिफल
काठमाडौं । ब्राजिलियन स्टार नेयमार र फ्रेन्च स्टार केलियन एमबाप्पेले गोल गरेपछि फ्रेन्च लिग वान फुटबलमा पेरिस सेन्ट जर्मेन पीएसजीले लगातार दोस्रो जित हात पारेको छ । पीएसजीले गुइनग्याम्पलाई उसकै मैदानमा ३–१ ले हराएको हो ।
पीएसजीको जितमा विश्वकप फुटबलमा सनसनी मच्याएर पेलेको कीर्तिमानमा सामेल १९ वर्षे युवा स्टार केलियन एमबाप्पेले दुई तथा नेयमारले एक गोल गरे ।
खेलमा गुइनग्याम्पका नोलान रुक्सले २० औं मिनेटमा गोल गरेर अग्रता बनाए पनि पीएसजीले मध्यान्तरपछि मात्र गोल गर्यो ।
५३ औं मिनेटमा नेयमारले पेनाल्टीमार्फत गोल गर्न सफल भए । लिग वानको दोस्रो खेलमा नेयमारको यो दोस्रो गोल हो ।
मध्यान्तरपछि मात्र मैदानमा छिरेका एमबाप्पेले ८२ औं मिनेटमा पहिलो र ९० औं मिनेटमा दोस्रो गोल दिलाए ।