-
-
-
-
काठमाडौं । इंगलिस प्रिमियर लिग फुटबलमा चेल्सीले आर्सनलमाथि रोमाञ्चक जित हात पारेको छ । घरेलु मैदान स्टामफोर्ड ब्रिजमा चेल्सीले शनिबार राति आर्सनलमाथि ३–२ को रोमाञ्चक जित निकालेको हो ।
चेल्सीको जितमा पेड्रो रोड्रिग्वेज, अल्भारो मोराटा र मार्को एलोन्सोले गोल गरे । आर्सनलका लागि हेनरिक मिखटारियन र एलेक्स इओवीले गोल गरे ।
२–० ले पछि परेपछि आर्सनल खेलमा फर्किएको थियो । र चार मिनेटको अन्तरमा दुई गोल गर्दै आर्सनलले पहिलो हाफ २–२ गोको बराबरीमा ल्याएको थियो ।
दोस्रो हाफमा मैदान छिरेका ८१ औ मिनेटमा मार्कोस एलोन्सोले गोल गर्दै चेल्सीलाई ३–२ को रोमाञ्चक जित दिलाए ।
जितसँगै चेल्सीले दुई खेलबाट ६ अंक जोडेको छ । आर्सनलको यो लगातार दोस्रो हार हो ।
इंगलिस प्रिमियर लिगका शनिबार रातिका अन्य खेलमा एभर्टनले साउथह्याम्पटनलाई २–१ ले, लेस्टर सिटीले वुल्भरह्याम्पनलाई २–० ले, टोटनह्यामले फुल्हमलाई ३–१ ले र बर्नमाउथले वेष्टह्यामलाई २–१ ले हराउँदा न्यूकासल र कार्डिफले गोलरहित बराबरी खेले ।
