के भयो रोनाल्डोलाई ? २७० मिनेट मैदानमा, २४ प्रहार गोल ‘०’
प्रकाशित २०७५ भदौ १७ आइतबार
156
Shares
काठमाडौं । इटालियन सिरी एमा युभेन्टस्को विजयी यात्रा कायमै छ । शनिबार रातिको खेलमा युभेन्ट्सले पार्मालाई २–१ ले पराजित गरेको छ ।
तर स्पेनिस क्लव रियाल मड्रिडबाट युभेन्टस गएका क्रिष्टियानो रोनाल्डोले भने अहिलेसम्म गोल गर्न सकेका छैनन् । उनी पुरै समय खेलेका थिए ।
खेलको दोस्रो मिनेटमा नै पाहुना टोली युभेन्टसले अग्रता लिएको थियो । क्रोएसियाका फरवार्ड मारियो मान्जुकिचले गोल गर्दै टोलीलाई अगाडि बढाए । ३३ औं मिनेटमा जर्भिन्होले गोल गर्दै घरेलु टोलीलाई बराबरीमा ल्याएका थिए । ५८ औं मिनेटमा ब्लेस माटूइडीले गोल गर्दै युभेन्ट्सलाई अग्रता दिलाए ।
लिगमा लगातार तेस्रो जित दर्ता गरेको युभेन्ट्स अंक तालिकाको शीर्ष स्थानमा छ ।
तर रोनाल्डोले लिगका तीनै खेलमा पुरै समय खेलेर पनि गोल गर्न नसक्दा भने टाउको दुखाइ भएको छ ।
उनले पोस्टमा २४ प्रहार गरेका छन् तर गोल गर्न सकेका छैनन् ।
