सुवारेज र डेम्बेलेले जिताए बार्सिलोनालाई, शीर्ष स्थान कायमै
प्रकाशित २०७५ भदौ ३१ आइतबार
180
Shares
काठमाडौं । स्पेनिस ला लिगा फुटबलमा बार्सिलोना शीर्ष स्थानमा कायमै रहेको छ । अपराजित यात्रा कायमै राख्ने क्रममा बार्सिलोनाले शनिबार राति रियाल सोसिडाडलाई २–१ ले हरायो ।
खेलको १२ मिनेटमै इलुस्टुन्डोको गोलबाट सोसिडाडले प्रारम्भिक अग्रता लियो । बराबरी गोल गर्न भने बार्सिलोनालाई थप ५१ मिनेट लागेको थियो ।
लुइस सुवारेजले बराबरी गोल गरे । बराबरी गरेको ३ मिनेटमा उसमान डेम्बेलेले गोल गर्दै २–१ ले जिताए । ४ खेलबाट १२ अंकको बार्सिलोना सत्प्रतिशत नतिजा निकाल्ने पहिलो स्पेनिस टिमसमेत बनेको छ ।
