-
-
-
-
काठमाडौं । इङ्लिश प्रिमियर लिग फुटबलमा वेष्टह्याम युनाइटेडको लगातारको चार हारको दुःखद क्षणको यात्रा रोकिएको छ ।
पाँचौं खेलमा ठूलै शिकार गर्ने क्रममा वेष्टह्यामले एभर्टनलाई ३–१ ले हरायो । वेष्टह्यामले पाँचौं खेलमा आएर लय समात्ने क्रममा युक्रेनका खेलाडी यार्मोलेङ्कोले दुई गोल गर्दा मार्को अर्नाउटोभिचले एक गोल थपे ।
पराजित टोली एभर्टनका लागि जिल्फी सिगुर्डसनले एक गोल फर्काए ।
प्रिमियर लिग फुटबलकै अर्को खेलमा वुल्भरह्याम्पटन वान्डरर्सले बर्नलेलाई १–० ले हराएको छ । राउल जिमिनेजले निर्णायक गोल गरे ।
लिगमा अहिलेसम्म सत्प्रतिशत खेल्ने चेल्सी र लिभरपुल हुन् भने म्यान्चेस्टर सिटी १३ अंकबाट तेस्रो स्थानमा रहँदै अपराजित रहने तेस्रो टिम बनेको छ ।
