- सुन चाँदी दर
- विनिमय दर
- नेपाली पात्रो
- राशिफल
काठमाडौं । नेपाललाई हराए एसिया कप क्रिकेटमा पुगेको हङकङको विजोग भएको छ । युएईमा जारी खेलमा हङकङले पहिलो खेलमा पाकिस्तानसंग ८ विकेटको लज्जास्पद हार बेहोरेको छ ।
दुबाईमा आइतबार राति सम्पन्न खेलमा हङकङले पहिले ब्याटिङ गर्दै ३७.१ ओभर क्रिकेजमा अड्केर ११६ रनको योगफल मात्र जोड्न सक्यो ।
आइजाज खानले सबैभन्दा धेरै २७ रन बनाए भने ३ खेलाडी त रनको खाता समेत खोल्न सकेनन् ।
म्यान अफ दि म्याच उस्मान खानले एकै ओभरमा ३ विकेट लिए ।
११७ रनको सामान्य चुनौती पाकिस्तानले २३.४ ओभरमा २ विकेटको नोक्सानीमा पुरा गर्यो ।
ओपनिङ ब्याट्सम्यमान इमाम उल हकले नटआउट ५० रन जोडे । यो खेलले भने हङकङलाई गतिलै बाठ सिकाएको हुनुपर्छ ।
पाकिस्तान र भारतजस्ता बलिया टोलीको समूहमा परेको हङकङ ११६ रनसम्म टिक्न सक्नु नै ठूलो कुरा मानिएको छ । अब हङकङको भिडन्त भारतसंग हुँदैछ ।
मलेसियामा भएको छनोटमा नेपाल उपाधि जितेर एसिया कपमा छनोट हुने लक्ष्य राखेको भए पनि चौथोमा थन्कियो ।