एसिया कप क्रिकेटमा भारतको संघर्षपूर्ण जित, हङकङ हार्दा पनि चर्चामा

एसिया कप क्रिकेटमा भारतको संघर्षपूर्ण जित, हङकङ हार्दा पनि चर्चामा

प्रकाशित २०७५ असोज ३ बुधबार

काठमाडौं । एसिया कप क्रिकेटमा कमजोर हङकङसंग समेत भारतले निकै संघर्षपूर्ण जित निकालेको छ । हङकङका ओपनर खेलाडीहरु निजाकत खान र अंशुमन राथले कीर्तिमानी १७४ रनको साझेदारी गरेपछि भारत निकै तनावमा थियो । तर अन्तिमतिर लयमय बलिङ भएपछि भारतले २६ रनको जित पायो ।

२८६ रनको चुनौती पछ्याएको हङकङले ८ विकेटको नोक्सानीमा २५९ रन बनायो । खानले ९२ तथा राथले ७३ रन बनाए । डेब्यु खेलाडी खलिल अहमदले ३ विकेट लिए । त्यस्तै युजभेन्द्र चाहालले पनि ३ विकेट झारे ।

यसअघि पहिले ब्याटिङ गरेको भारतले शिखर धवनको १४ औं सतकको मद्धतले ७ विकेटको नोक्सानीमा २८५ रन बनाएको थियो । धवनले १२७ रन बनाए ।