- सुन चाँदी दर
- विनिमय दर
- नेपाली पात्रो
- राशिफल
काठमाडौं । लिभरपुल इङलिश प्रिमियर लिग फुटबलमा फेरि शीर्ष स्थानमा उक्लिएको छ । प्रिमियर लिग अन्तर्गत शनिबार राति भएको खेलमा साउथह्याम्पटनलाई ३–०ले पराजित गर्दै लिगको शीर्षस्थानमा उक्लिएको हो ।
लिभरपुलको जितमा जोएल मटिप र मोहम्मद सलाहले गोल गरे । एक गोल आत्मघाती उपहार पाएको थियो । सबै तीन गोल पहिलो हाफमा सम्भव भएको थियो ।
प्रिमियर लिगमा प्रतिशत जित निकालेको लिभरपुलको ६ खेलबाट १८ अंक पुगेको छ । उसले समान खेल खेलेको साविकको विजेता म्यानचेस्टर सिटीलाई २ अंकले तथा एक खेल कम खेलेको चेल्सीलाई ३ अंकले पछि पारेको हो ।
खेलको १०औं मिनेटमा नै वेस्ले होइडको आत्मघाती गोलबाट अघि बढेको लिभरपुलले २१औं मिनेटमा अग्रता दोब्बर पारेको थियो ।
ट्रेन्ट एलेक्सन्डर अर्नोल्डको पासमा जोएल मटिपले गोल गर्न सफल भएको थियो । ४५औं मिनेटमा मोहम्मद सलाहले गोल गरेपछि लिभरपुल पहिला हाफमै ३–० ले अघि बढेको थियो ।
त्यसपछि दुवै टोलीले गोलका केही अवसरहरु सिर्जना गरेपनि गोल गर्न नसक्दा पहिलो हाफको तीन गोल नै लिभरपुलको जितमा पर्याप्त बन्यो ।
शनिबार रातिका अन्य खेलहरु यस्ता रहे
शनिबार रातिका ८ खेलमा २३ गोल भएको छ ।
म्यान्चेस्टर सिटीले कार्डिफ सिटीलाई ५–० ले हरायो । रियाद मारेजले २ तथा सर्जियो अगुएरो, बर्नान्डो सिल्भा र इल्काए गुन्डोगानले १–१ गोल गरे ।
बर्नलेले एएफसी बर्नमाउथलाई ४–० ले हरायो । एस्ले बर्नेसले २ तथा माटेज भाइद्र र आरोन लेननले १–१ गोल गरे ।
लेस्टर सिटीले हडर्स फिल्ड टाउनलाई ३–१ ले हरायो ।
टोटनह्याम हट्सपरले ब्राइटनलाई २–१ ले हरायो ।
म्यान्चेस्टर युनाइटेडले वुल्भरह्याम्पटनसंग १–१ को बराबरीमा खेल्न वाध्य भयो । घरेलु मैदानमा म्यान्चेस्टरले फ्रेडले गोल गरे भने मौटिन्होले बराबरी गरे । यो बराबरीले फेरि जोजे मौरिन्होको जागिरलाई अप्ठेरोमा पारेको छ ।
फुल्हमले वाट्फोर्डलाई १–१ को बराबरीमा तथा क्रिष्टल प्यालेसले न्यूकासल युनाइटेडसंग गोलरहित बराबरी खेल्यो ।