काठमाडौं । विश्वकप फुटबलपछि केही समय व्यवसायिक खेलका लागि युभेन्टसमा समय दिनु पर्ने भएकाले पोर्चुगलको राष्ट्रिय टिममा नराख्न आग्रह गरेका क्रिष्टियानो रोनाल्डोलाई अहिले भने विवादमा परेपछि हटाइएको छ ।
रोनाल्डो पोल्याण्ड र स्कटल्याण्डविरुद्ध खेल्ने पोर्चुगलको टोलीमा सामेल हुने छैनन् । रोनाल्डोलाई पोर्चुगलका प्रशिक्षक फर्नान्डो सान्तोसले नखेलाउने निर्णय लिएका हुन् ।
पोर्चुगलले अक्टोबर ११ मा पोल्याण्डविरुद्ध र १४ अक्टोबरमा स्कटल्याण्डविरुद्ध मैत्रीपूर्ण खेल खेल्दैछ ।
रोनाल्डोलाई आगामी नोभेम्बरमा हुने अन्तर्राष्ट्रिय खेलका लागि पनि टिमबाट हटाइएको छ । सम्भवतः रोनाल्डो राष्ट्रिय टिममा फर्कन नसक्ने अनुमान गर्न थालिएको छ ।
रानाल्डोमाथि अमेरिकी एक महिलाले यौन आरोप लगाएकी थिइन् । सन् २००९ मा उनले यौन शोषण गरेको आरोप लागेको छ । रोनाल्डोले यो दुस्कर्म आफुले नगरेको बताउँदै आएका छन् । रोनाल्डोले पोर्चुगलका लागि १५४ खेलमा ८५ गोल गरेका छन् ।
