-
-
-
-
जनकपुरधाम । सरकारले संघीय प्रहरी ऐन नल्याउँदै प्रदेश सरकार २ ले प्रदेश प्रहरी ऐन पारित गरेको छ । शनिबार भएको प्रदेश सभा बैठकले बहुमतका साथ प्रदेश प्रहरी ऐन पास गरेको हो ।
बहुमतले पारित गरेको प्रदेश प्रहरी ऐनलाई नेकपाका प्रदेश सांसदहरुले असन्तुष्टि जनाएको छ । नेकपाका सांसदहरुले सैद्धान्तिक रुपमा प्रदेश प्रहरी ऐन चाहिन्छ भन्ने मान्याता भए पनि आवश्वक रुपमा छलफल नभएको बताएका छन् ।
प्रदेश प्रहरी ऐन पारित गराउन कांग्रेस, राजपा र संघीय फोरम नेपालका सांसदहरुले सहमति जनाएका थिए । प्रदेश दुईमा भएका १०७ जना सांसदमध्ये ७५ जना सांसदले पारित गर्ने पक्षमा मत राखेपछि बहुमतले प्रदेश प्रहरी ऐन पारित गरिएको हो ।
संविधानको धारा २६८ अनुसार प्रदेश प्रहरी संरचना तयार गरिएको र संघीय ऐनलाई कुनैपनि अवरोध नहुने बताए ।
