- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुस विश्वकप २०१८ को कारण रुसको अर्थतन्त्रमा १४ अर्ब अमेरिकी डलरबराबरको रकम थपिएको छ । यससँगै कूल गार्हस्थ्य उत्पादन (जीडीपी)मा एक प्रतिशतको वृद्धि भएको मंगलाबार कतारको दोहामा सार्वजनिक गरिएको विवरणमा देखिएको हो ।
रुस विश्वकप समितिले सार्वजनिक गरेको यो विवरणमा अहिले देखिएको नतिजाहरु आश्चर्यजनक रहेको बताइएको छ । यो प्रतियोगिताले रुसमा प्रतिवर्ष तीन लाख १५ हजार रोजगारी मिलेको विवरणमा उल्लेख गरिएको छ । त्यसका साथै यो विश्वकपको प्रभाव रुसको अर्थतन्त्रमा आगामी पाँच वर्षसम्म पनि जारी रहने बताइएको छ ।
अहिले सार्वजनिक गरिएको विवरणअनुसार सन् २०१३ देखि २०१८ को बीचमा रुसको अर्थतन्त्रमा विश्वकपको प्रभाव १४ अर्ब ५० करोड डलरबराबरको रहेको पाइएको थियो । यो नतिजा रुसको जीडीपीको तुलनामा १.१ प्रतिशत हो ।
पछिल्लो समय पश्चिमा मुलुकहरु र रुसको बीचमा देखिएको राजनीतिक तनावको बाबजुद रुसले विश्वकप सफलरुपमा सम्पन्न गरेको थियो ।
यद्यपि अहिले सार्वजनिक गरिएको यो विवरण स्वतन्त्ररुपमा पुष्टि भने हुन सकेको छैन । एजेन्सी