-
-
-
-
काठमाडौं । लियोनल मेस्सी नभएको खेलमा नेयमारको ब्राजिलले अर्जेन्टिनालाई पराजित गरेको छ । अन्तर्राष्ट्रिय मैत्रिपूर्ण फुटबल खेलमा ब्राजिल १–० ले विजयी भएको हो ।
इन्जुरी समयमा मिरान्डाले गोल गर्दै ब्राजिललाई जिताए । मिरान्डाले नेयमारको कर्नर पासमा शक्तिशाली हेड गोल गरेका थिए । उक्त बललाई अर्जेन्टाइन सर्जियो रोमेरोले रोक्न सकेनन् ।
सुपरक्लासिको उक्त खेलमा निकै प्रतिस्पर्धा भएको थियो । साउदी अरेबियाको किङ अब्दुल्लाह स्पोर्टस सिटीमा दर्शकले भने निक्कै मज्जा लिएका थिए ।
६० हजार दर्शकले नेयमार, फिलिप्पे कौटिन्हो र पाउलो डाइबालाको खेल निकै रोजकपूर्वक हेरेका थिए ।
खेलको २८ औं मिनेटमा मिरान्डाले कासेमिरोको क्रस पासमा गोल गर्ने राम्रो अवसरलाई खेर फालेका थिए ।
दोस्रो हाफमा डाइबालाले राम्रो फ्रिकिक प्रहार गरी गोल नजिक पुगेका थिए ।
मेस्सी भने अब राष्ट्रिय टिममा नफर्कने संकेत देखिन थालेको भन्दै अर्जेन्टाइन फ्यानहरु निराश हुन थालेका छन् ।
