- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश लिग फुटबलमा बार्सिलोना शीर्ष स्थानमा उक्लिएको छ । शनिबार रातिको खेलमा सेभियामाथि ४–२ को जितका साथ डिफेन्डिङ च्याम्पियन बार्सिलोना शीर्ष स्थानमा पुग्न सफल भएको हो ।
बार्सिलोनाका लागि लियोनल मेस्सी, लुइस स्वारेज, फिलिप कोन्टिन्हो र इभान रेकिटिकले १–१ गोल गरे। सेभियाका लुइस मुरिएलले गोल गरे भने बार्सिलोनाका लेङ्गलेटले आत्मघाती गोल गरे ।
कप्तान मेस्सी चोटिल
उत्कृष्ट खेल प्रदर्शन गर्दै बार्सिलोना शीर्ष स्थानमा पुगेको खेलमा कप्तान मेस्सी भने चोटग्रस्त भएका छन् । १२ मिनेटमा गोल गरेका मेस्सी मैदानमै लड्दा दायाँ हातमा चोट लागेको हो । चोट लागेपछि धेरै पीडामा देखिएका मेस्सी खेलको २६ औं मिनेटमा मैदानबाट बाहिरिए ।
उनको दायाँ हातको हड्डीमा गम्भीर चोट लागेकाले उनी लामो समय मैदान बाहिर हुनेछन् ।
मेस्सीले कम्तीमा ६ खेल गुमाउने छन् ।
यो जितसँगै बार्सिलोना ९ खेलबाट १८ अंकसहित शीर्ष स्थानमा छ।
रियाल मड्रिड पराजित
रियाल मड्रिड भने पराजित भएको छ । रियाल मड्रिड लेभान्तेसंग २–१ ले पराजित भयो । घरेलु मैदानमा २–० ले पछि परेको रियाललाई मार्सेलोले ७२ औं मिनेटमा गोल दिलाएका थिए ।
यो हारले १४ अंकसहित रियाल पाँचौ स्थानमा धकेलिएको छ ।
सेल्टाभिगोलाई १–० ले हराएको डेपोर्टिभो अलाभेस १७ अंकसहित दोस्रो स्थानमा छ ।