-
-
-
-
काठमाडौं । इजिप्सियन स्टार मोहम्मद सालेहले इंगलिश क्लव लिभरपुलका लागि ५० गोल गरेका छन् ।
सालेहले च्याम्पियन्स लिग फुटबलका क्रममा बुधबार राति सर्वियन क्लब रेडस्टार बेलग्रेड विरुद्ध गोल गर्दै ५० गोल पूरा गरेका हुन् ।
सालेहले यो आँकडा ६५ खेलबाट पूरा गरेका हुन् । खेलमा लिभरपुल ४–० ले विजयी भयो ।
सालेहले २ तथा रोबर्टो फर्मिन्हो र सादिओ मानेले १–१ गोल गरे । मानेले एक पेनाल्टीलाई खेर फालेका थिए ।
जितपछि लिभरपुल ६ अंकसहित शीर्ष स्थानमा छ । बेलग्रेड १ अंकबाट पुछारमा छ ।
बुधबार राति पेरिस सेन्ट जर्मेन र नापोलीले २–२ को बराबरी खेले । बराबरीपछि नापोलीको ५ तथा पिएसजीको ४ अंक भएको छ ।
