- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिस लिग ला लिगा च्याम्पियन बार्सिलोना कोपा डेल रे फुटबल अन्तर्गत अन्तिम ३२ को पहिलो खेलमा संघर्षपूर्ण रुपमा विजयी भएको छ । अवे मैदानमा भएको खेलमा बार्सिलोनाले तेस्रो डिभिजनको क्लब लिओनेसालाई १–० ले पराजित गरेको हो ।
खेल गोलरहित बराबरीमा सकिने संकेत थियो । तर इन्जुरी समयको पहिलो मिनेटमा बार्सिलोनाका लागि क्लेमेन्ट लेङ्गलेटले विजयी गोल गरेका हुन् ।
क्लेमेन्नटले उसमान डेम्बेलेको फ्रि–किक बललाई गोलमा परिणत गरेका हुन् ।
त्यसपछि इन्जुरी समयको चौथो मिनेटमा सर्जियो मार्कोस दोहोरो पहेँलो कार्ड खाँदै मैदानबाट बाहिरिएपछि लिओनेसा १० खेलाडीमा सीमित भएको थियो ।
दोस्रो लेग आउँदो डिसेम्बर ५ मा बार्सिलोनाको मैदान नोउ क्याम्पमा हुनेछ ।
कोपा डेल रे को गेटाफेले कोर्डोबालाई २–१ ले, रियाल भल्लाडोलिडले मयोर्कालाई २–१ ले हरायो । डेपोर्टिभो अलाभेसले गिरोनासंग २–२ को बराबरी खेलेको छ ।