विवादित मन्त्री स्थापितलाई मुख्यमन्त्री पौडेलले गरे विस्थापित

प्रकाशित मिति : २०७५ कार्तिक १६ शुक्रबार

काठमाडौं । यौन दुर्व्यवहारको आरोपित प्रदेश नं ३ सरकारका भौतिक पुर्बाधार बिकास मन्त्री केशब स्थापितलाई मुख्यमन्त्री डोरमणि पौडेलले पदबाट विस्थापित गरेका छन्।

शुक्रबार स्थापितलाई पदबाट बर्खास्त गरिएको मुख्यमन्त्री पौडेलको सचिवालयले जनाएको छ।  पछिल्लो समय यौन हिंसाको आरोपमा मुछिएका र कार्य सम्पादन सुधार नगरेका  स्थापितलाई मुख्यमन्त्री डोरमणि पौडेलले कार्य सम्पादन सुधार्न निर्देशन दिएपछि प्रदेश नंम्बर ३ को मन्त्रिपरिषद् बैठकमा चर्काचर्की भएको थियो ।

मुख्यमन्त्री र मन्त्री बिच आफ्ना कुरा राख्ने क्रममा टेबुल ठोकाठोक समेत भएको थियो । प्रदेश नंम्बर ३ मा स्थापितको भुमिका सन्तोषजनक नभएका कारण पौडेल सन्तुष्ट हुन सकेका थिएनन् । पछिल्लो यौन काण्डले उनि अझ असन्तुष्ट रहेका थिए  ।

आफ्नो कार्य सुधार गर्न भन्दै मुख्यमन्त्री पौडेलले सम्झाउदा स्थापितले उल्टै अभद्र व्यवहार देखाएपछि पौडेलले स्थापितलाई विस्थापित गरेको स्रोतले जनाएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ