म्यानचेस्टर डर्बीमा सिटीले बाजी मार्यो, यस्तो छ अरु नतिजा
प्रकाशित २०७५ कार्तिक २६ सोमबार
82
Shares
काठमाडौं । इङ्लिश प्रिमियर लिग फुटबल अन्तर्गत म्यानचेस्टर डर्बीको खेलमा सिटीले युनाइटेडलाई हराएको छ । म्यान्चेस्टर सिटीले म्यान्चेस्टर युनाइटेडलाई घरेलु मैदानमा ३–१ ले पराजित गरेको हो ।
पहिलो हाफदेखि नै खेलमा पकड बनाएको सिटीले १२ औं मिनेटमा डेभिड सिल्भाको गोलबाट अग्रता लियो।
सिटीले दोस्रो हाफको सुरुआतमा सर्जियो अगुएरोको बलियो प्रहारबाट अग्रता दोब्बर गर्यो । ५८ औं मिनेटमा एन्थोनी मार्सियलले गोल गर्दै युनाइटेडलाई खेलमा फर्काउने प्रयास गरे।
युनाइटेडले बराबर गर्ने केहि प्रयास गरेपनि सिटी खेलमा हावी देखियो । ८६ औं मिनेटमा गुण्डोगनले गोल गर्दै सिटीको जित सुनिश्चित गरे।
के के भए अन्य परिणाम
लिभरपुलले फुल्हमलाई २–० ले पराजित गर्यो । मोहम्मद सलाह र जर्दन शकिरीले गोल गरे ।
चेल्सीले एभर्टनसंग गोलरहित बराबरी खेल्यो ।
आर्सनलले उल्भरह्याम्पटन वान्डेरर्ससंग १–१ को बराबरी खेल्यो । उल्भरका लागि इभाँ काभालेरोले गोल गरे भने हेन्रिक मिखितर्यानले आर्सनललाई ८६ औं मिनेटमा बराबरी गोल दिलाए ।
यी खेलपछि अपराजित म्यान्चेस्टर सिटी ३२ अंकसहित शीर्ष स्थानमा छ । अर्को अपराजित लिभरपुल ३० अंकसहित दोस्रो र अर्को अपराजित चेल्सी २८ अंकबाट तेस्रो स्थानमा धकेलिएको छ ।
