-
-
-
-
काठमाडौं । स्पेनिस फुटबल क्लब बार्सिलोनाका कप्तान लियोनल मेस्सीले अलफ्रेडो डि स्टेफानो र पिचिची अवार्ड जितेका छन् ।
स्पेनमा सोमबार भएको एक कार्यक्रमका बीच मेस्सीलाई दुई अवार्ड दिइएको हो । यी अवाडी स्पेनिस खेल पत्रिका मार्काले प्रदान गर्दै आएको छ ।
मेस्सीले ला लिगामा सन् २०१७–१८ को सिजन उत्कृष्ट खेलाडी बन्दै अलफ्रेडो डि स्टेफानो अवार्ड जितेका हुन् । यस्तै मेस्सीले ला लिगामा सर्वाधिक गोल गर्दै पिचिची अवार्ड पनि जितेका हुन् ।
गत सिजन मेस्सीले ३४ गोल गरेका थिए । यस्तै १२ गोलका लागि पास उपलब्ध गराएका थिए ।
मेस्सीले एक दशकमा पाँचौ पटक पिचिची अवार्ड जितेका हुन् ।
