- सुन चाँदी दर
- विनिमय दर
- नेपाली पात्रो
- राशिफल
काठमाडौं । चर्चित खेलाडी क्रिष्टियानो रोनाल्डो बिना नै पोर्चुगल युइएफए नेसन्स लिग फुटबलको सेमिफाइनलमा पुगेको छ । शनिबार राति भएको खेलमा ईटालीसंग गोलरहित बराबरी खेलेसंगै पोर्चुगल समूह ३ को शीर्ष स्थानमा रहँदै सेमिफाइनलमा पुगेको हो ।
थुप्रै गोल गर्ने अवसरको सदुपयोग गर्न नसकेको इटालीले दोस्रो स्थानमा रहेर छनोट सकाएको छ ।
इटालीका लागि लोरेन्जो इन्ग्निे र सिरो इम्मोवाइलले पहिलो हाफमै गोल गर्ने अवसर व्यर्थैमा फालेका थिए ।
इटालीका गोलकिपर जियानलुइगी डोनरउम्माले आकर्षक खेल देखाएका थिए ।
पोर्चुगलका जोओ मारिओको प्रहार भने बारमा लागेको थियो । मिलानमा भएको खेलमा खेलमा रोनाल्डोको उपस्थितिको प्रतिक्षा भए पनि इटालीजस्तो महारथी टिमलाई उसकै मैदानमा बराबरीमा रोक्दा अब रोनाल्डोको जरुरी कसलाई भन्ने गम्भीर प्रश्न खडा भएको छ ।
रोनाल्डोले अहिले इटालियन सिरि ए खेलिरहेका छन् । उनले युभेन्टसबाट यसै सिजन खेलिरहँदा केही समय राष्ट्रिय टिमबाट नखेल्न विश्राम मागिरहेका थिए ।
पोर्चुगलको ३ खेलबाट ७ अंक, इटालीको ४ खेलबाट ५ अंक र पोल्याण्डको ३ खेलबाट १ अंक छ ।