- सुन चाँदी दर
- विनिमय दर
- नेपाली पात्रो
- राशिफल
काठमाडौं । फ्रान्स र जर्मनीलाई रोक्दै नेदरल्याण्ड युइएफए नेसन्स लिग फुटबलको सेमिफाइनलमा प्रवेश गरेको छ । सोमबार राति भएको खेलमा दुई गोलले पछि परेको स्थिति उल्ट्याएर नेदरल्यान्डले जर्मनीसँग २–२ गोलको बराबरी खेल्दै समूह विजेता बन्दै सेमिफाइनलमा पुगेको हो ।
नेदरल्यान्डले लिग ए को समूह १ बाट समूह विजेताको रुपमा प्ले अफमा स्थान बनाउदा विश्वविजेता फ्रान्स रोकिएको छ । जर्मनी भने यसअघि नै रेलिगेसनका परेको थियो ।
नेदरल्यान्डको ४ खेलबाट ७ अंक पुग्दा समान अंक रहेको फ्रान्स गोल अन्तरमा दोस्रो स्थानमा झर्दै रोकिएको हो । सोमबार राति भएको खेलमा घरेलु टोली जर्मनीले खेलको २० मिनेटभित्र नै २–० को अग्रता लिएको थियो ।
तर, जर्मनीले त्यो अग्रता अन्तिम समयसम्म जोगाउन सकेन । नवौं मिनेटमा सर्जि जिनाब्रिको पासमा टिमो वेर्नरको गोलबाट जर्मनीले खेलमा अग्रता बनाएको थियो । २०औं मिनेटमा लिरोए सानेले टोनी क्रुसको पासमा गोल गरेपछि जर्मनीले २–० को अग्रता बनाएको थियो ।
जिततर्फ धकेलिएको खेलमा जर्मनी अन्तिम ५ मिनेट सम्हालिन सकेन । ८५औं मिनेटमा क्वीन्सी प्रोमेसले मार्टिन डि रोनको पासमा गोल गरेपछि नेदरल्यान्डलाई खेलमा फर्काउने संकेत दिएका थिए ।
भर्जिल भान डिजिकले इन्जुरी समयको थप गरिएको पहिलो मिनेटमा गोल गर्दै खेललाई २–२ गोलको बराबरीमा ल्याएका थिए । त्यसपछि थप गोल निस्कन नसक्दा खेल २–२ गोलको बराबरीमा सकियो ।