बिहीबार उपत्यकामा बिजोरमात्रः अत्यावश्यक र शैक्षिक संस्थाका चल्न पाउने
प्रकाशित २०७५ मंसिर १३ बिहिबार
523
Shares
काठमाडौं । शुक्रबारदेखि सोमबारसम्म काठमाडौंमा हुन गइरहेको एसिया प्यासिफिक सम्मेलनका नाममा बिहीबारदेखि आइतबारसम्म सवारीमा जोरबिजोर प्रणाली लागु भएको छ ।
सम्मेलनमा आउने पाहुना तथा विशिष्ट व्यक्तिहरुको सवारी आवागमनलाई व्यवस्थित बनाउन जोर बिजोर प्रणाली लागु गरिएको महानगरीय ट्राफिक प्रहरी महाशाखा काठमाडौंले जनाएको छ ।
बिहीबार र शनिबार बिजोर सवारी र शुक्रबार तथा आइतबार जोर नम्बर प्लेट भएका सवारी साधन सञ्चालन गर्न पाइने छ ।
अत्यावश्यक सेवा र शैक्षिक संस्थाका सवारी साधनमा भने जोर बिजोर प्रणाली अनिवार्य नगरिने महाशाखाले जारी गरेको सूचनामा उल्लेख छ ।
