एजेन्सी । भारतको मूम्बईमा एक व्यक्तिले परिवारका १४ सदस्यको हत्या गरेपछि आफूले फाँसी लगाएका छन् । भारतीय अनलाइन भास्कर डटकमका अनुसार मूम्बईको ठाणेमा ती ब्यक्तिले शनिबार राति परिवारका सदस्यको हत्या गरेका हुन् । हत्या भएकामा ७ बालबालिका, ६ महिला र १ पुरुष छन्। हत्या रातको १२ बजे पछि भएको हो ।
हसन बकरले शनिबार एक पार्टी आयोजना गरी बहिनीहरुलाई पनि डाकेका थिए । प्रहरी अधिकारीहरुका अनुसार बकरका दिदि बहिनीले साथमा बच्चाहरु पनि ल्याएका थिए । ठाणे प्रहरीका अनुसार ''बकरले मासु काट्ने धारिलो हतियार प्रयोग गरेर परिवारका सदस्यको हत्या गरेका हुन् । मृतक व्यक्तिहरुको खानामा विष पनि मिसाइएको हुन सक्ने प्रहरीको अनुमान छ ।'' हत्याको कारण भने खुल्न सकेको छैन ।
