-
-
-
-
काठमाडौं । युएईमा जारी टी–१० क्रिकेटमा नेपाली युवा ढुकढुकी सन्दीप लामिछाने नराम्ररी कुटिएका छन् । अहिलेसम्मकै खराव बलिङ गरेका केराला नाइट्सका सन्दीपले नर्दर्न वारियर्सविरुद्ध २ ओभरमा ४७ रन दिए ।
उनले पहिलो ओभरमा ६, ६, २, ६, १, १ रनका हिसाबले २२ रन दिएका थिए ।
दोस्रो ओभरमा पनि सन्दीप पिटिए । सन्दीपले दोस्रो ओभरमा ६, ६, ६, १, ६, ० का हिसाबले २५ रन दिए ।
विकेट लिन नसकेका सन्दीपले ४७ रन दिने क्रममा ७ छक्का दिएका थिए । खेलमा नर्दर्न ८ विकेटले विजयी भयो ।
सुरुआती ३ खेलमा विकेट लिएका सन्दीपले पछिल्ला २ खेलमा विकेट लिनै बिर्सिएका छन् ।
