- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिश प्रिमियर लिग फुटबलमा बुधबार राति अनपेक्षित नतिजा आएको छ । चेल्सीले वुल्भरह्याम्पटन वान्डेरर्ससंग उसकै मैदानमा १ का विरुद्ध २ गोलले पराजय बेहोर्यो ।
चिकको गोलले चेल्सीले प्रारम्भिक अग्रता लिए पनि जिमेनेज र जोटाले गोल गर्दै वुल्भरलाई जिताए । अन्य खेलमा लिभरपुलले बर्नलेलाई १ का विरुद्ध ३ गोलले पराजित गर्यो ।
म्यान्चेस्टर युनाइटेडले एक पटक फेरि बराबरी खेल्यो । घरेलु मैदानमा युनाइटेडले आर्सनलसंग दुई दुई गोलको बराबरी खेलेको हो ।
साकोद्रान मुस्ताफीले आर्सनललाई अग्रता दिलाए । एन्थोनी मार्सियलले युनाइटेडलाई बराबरीमा ल्याए । एलेक्जेन्डर लाकाजेत्जीले फेरि आर्सनललाई अग्रता दिलाए ।
जेस्सी लिंगार्डले युनाइटेडलाई बराबरीमा ल्याए । जोजे मौरिन्होले सात खेलाडी परिवर्तन गरे पनि युनाइटेडले जितेन ।
त्यस्तै एभर्टनले न्यूकासल युनाइटेडसंग घरेलु मैदानमै एक एक गोलको बराबरी खेल्यो । फुल्हमले लेस्टर सिटीसंग घरेलु मैदानमा एक एकको बराबरी खेल्यो ।
टोटनह्याम हट्सपरले साउथह्याम्पटनलाई एककत विरुद्ध तीन गोलले हरायो । लिगमा ४१ अंकको म्यान्चेस्टर सिटीको अग्रता कायमै छ ।
लिभरपुल ३९ अंकबाट दोस्रो स्थानमा छ ।