- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश क्लब रियाल मड्रिड कोपा डेल रे फुटबल प्रतियोगिताको प्रिक्वार्टरफाइनलमा पुगेको छ । घरेलु मैदानमा खेलेको रियालले अन्तिम ३२ को खेलमा दोस्रो डिभिजनको क्लब मिलीलालाई दोस्रो लेगमा ६–१ गोलले हराउँदै समग्रमा १०–१ को अन्तरसहित अन्तिम १६ मा पुगेको हो ।
बिहीबार रातिको दोस्रो लेगमा रियाललाई शानदार विजयी गराउन मार्को एसेन्सियो र इस्कोले २–२ गोल गरे । हेभियर सान्सेज र भिन्सियस जुनियरले १–१ गोल गरे ।
पहिलो लेगमा रियालले ४–० को जित निकालेको थियो । रियालबाट क्रिष्टियानो रोनाल्डो युभेन्टस गएपछि टिम धरासायी बनेको अड्कल काटिए पनि टिमले सुधारोन्मुख खेलिरहेको छ ।
बिहीबार को को भए विजयी
लेभान्ते २–० लुगो
आइबर २–२ स्पोर्टिन
हुएस्का ०–४ एथलेटिक बिलबाओ
रियाल बेटिस ४–० सान्टान्डर