- सुन चाँदी दर
- विनिमय दर
- नेपाली पात्रो
- राशिफल
काठमाडौं । च्याम्पियन्स लिग फुटबलको अन्तिम १६ मा पुग्ने टिमको टुंगो लागेको छ । बुधबार राति भएका समूह ई देखि एच सम्मका अन्तिम खेलहरु भएपछि अन्तिम १६ मा पुग्ने सबै टिमको टुंगो लागेको हो ।
समूह ईबाट बायर्न म्युनिख र आयाक्स अघिल्लो चरणमा पुग्दा बेनेफिका र एथेन्स बाहिरिए । अन्तिम खेलमा आयाक्स र बायर्नले ३–३ को बराबरी खेले । बेनेफिकाले एथेन्सलाई १–० ले हरायो ।
समूह एफ्बाट म्यान्चेस्टर सिटी र लियों अन्तिम १६ मा पुगेका छन् । शक्तर दोनेस्क र होफनहेम बाहिरिएका छन् । अन्तिम खेलमा म्यान्चेस्टर सिटीले होफनहेमलाई २–१ ले हरायो । सिटीका लागि दुवै गोल लेरोए सानेले गोल गरे । शक्तर र लियोंले १–१ को बराबरी खेले ।
समूह जीबाट रियाल मड्रिड र एएस रोमा अर्को चरणमा पुग्दा भिक्टिोरिया प्लेजेन र सिएसकेए मस्को बाहिरिएका छन् ।
रियालले अन्तिम खेलमा भने घरेलु मैदानमै समूहको पुछारमा रहेर लिग सकाएको मस्कोसंग ३–० ले घुँडा टेक्यो । प्लेजेनले रोमालाई २–१ ले हरायो ।
समूह एचबाट युभेन्टस र म्यान्चेस्टर युनाइटेड अन्तिम १६ मा पुग्दा भ्यालेन्सिया र योंग ब्वाइज बाहिरिएका छन् । अन्तिम खेलमा छनोट भएका दुवै टिमले हारेका छन् ।
युभेन्टसले योंग ब्वाइजसंग २–१ ले हार्यो । त्यस्तै युनाइटेडले भ्यालेन्सियासंग २–१ ले घुँडा टेक्यो ।