- सुन चाँदी दर
- विनिमय दर
- नेपाली पात्रो
- राशिफल
काठमाडौं । पोर्चुगलका फुटबल खेलाडी क्रिस्टियानो रोनाल्डो फेरि नायक बनेका छन् । उनकै निर्णायक गोलमा इटालियन सिरि ए फुटबलमा युभेन्टसले जित हात पार्यो ।
रोनाल्डोको गोलले युभेन्टसले शनिबार राति टोरिनोलाई १–१ ले पराजित गरेको हो । रोनाल्डोले पेनाल्टीमार्फत गोल गरेका हुन् ।
टोरिनोको घरेलु मैदानमा भएको प्रतिस्पर्धात्मक खेलमा विपक्षी गोलरक्षकको गल्तीमा युभेन्टसले ७०औं मिनेटमा पेनाल्टीको मौका पाएको थियो ।
सिमोन जाजाको ब्याकपासमा अर्मान्डो इजोले छोडेको बलमा टोरिनोका गोलरक्षकले हातले बल समाएपछि युभेन्टसले पेनाल्टीको मौका पाएको थियो । जसलाई रोनाल्डोले सदुपयोग गरे ।
गोलपछि भने रोनाल्डोले पहेंलो कार्ड खाएका थिए ।
जितपछि युभेन्टसले शीर्ष स्थानलाई थप मजबुद बनाएको छ । युभेन्टसको १६ खेलबाट ४६ अंक पुगेको छ । उसले दोस्रो स्थानको नापोलीमाथि ११ अंकको अग्रता बनाएको छ ।