- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश क्लब रियाल मड्रिड क्लब विश्वकप फुटबलको फाइनलमा पुगेको छ । युरोपियन च्याम्पियन रियालले बुधबार रातिको खेलमा जापानी क्लब काशीमा एन्टलर्सलाई पराजित गर्दै फाइनलमा स्थान बनाउन सफल भएको हो ।
फरवार्ड ग्यारेथ बेलले ह्याट्रिक गरेपछि रियाल ३–१ गोल अन्तरले विजयी भयो । रियालले पहिलो हाफको १ मिनेट समय बाँकी रहँदा अग्रता बनाएको थियो । बेलले गोल गर्दै रियाललाई खेलमा अगाडि बढाए ।
दोस्रो हाफको सुरुवातमै दुई गोल थप्दै बेलले ह्याट्रिक पूरा गरे । ५३ औं मिनेटमा अग्रतालाई दोब्बर पारेका बेलले दुई मिनेटमै ह्याट्रिक प्रहार गरे ।
काशीमाका लागि शोमा डोईले ७८ औं मिनेटमा गोल फर्काए पनि उक्त गोल सान्त्वनामा नै सिमित भयो । रियालले अब फाइनलमा स्थानीय क्लब अल आइनको सामना गर्नेछ । अल आइनले रिभर प्लेटलाई पेनाल्टीमा पराजित गर्दै फाइनलमा स्थान पक्का गरेको हो ।
रियाल लगातार तेस्रो पटक क्लब विश्वकपको फाइनलमा प्रवेश गरेको हो । शनिबार हुने फाइनलमा विजयी भए रियालले उपाधिमा ह्याट्रिक गर्नेछ ।
यो प्रदर्शनले रियालले क्रिष्टियानो रोनाल्डोलाई बिर्सेको छ । रोनाल्डो इटालियन क्लब युभेन्टस गए पनि रियाल मड्रिडको पिच बिग्रेको छैन । ला लिगामा भने रियाल फितलो देखिएको छ ।