- सुन चाँदी दर
- विनिमय दर
- नेपाली पात्रो
- राशिफल
काठमाडौं । जोजे मौरिन्होलाई हराएपछिको पहिलो खेलमै इंगलिश क्लब म्यान्चेस्टर युनाइटेडले फराकिलो गोल अन्तरले खेल जितेको छ ।
शनिबार रातिको खेलमा युनाइटेडले कार्डिफ सिटीलाई ५–१ गोल अन्तरले हरायो । जेसी लिंगार्डले २ गोल गरे भने मार्कस राफोर्ड, एन्दर हेरेरा र एन्थोनी मार्सियलले १–१ गोल गरे ।
कार्डिफका भिक्टर कामारासाले एक गोल फर्काएका थिए ।
मौरिन्हो प्रशिक्षकबाट हटेपछि खेलाडीहरुले समेत राम्रो प्रदर्शन गरेको विश्वास युनाइटेडको ब्यवस्थापनलाई लागेको छ ।
शनिबारको अन्य खेलको नतिजा
शनिबार अनेपेक्षित परिणाम आयो । लिभरपुलको लय जारी छ । उसले वुल्भरह्याम्पटनलाई २–० ले हरायो ।
आर्सनलले बर्नलीलाई ३–१ ले हरायो । बर्नमाउथले ब्राइटनलाई २–० ले पछार्यो ।
चेल्सी स्तव्ध भयो । चेल्सी घरेलु मैदानमै लेस्टर सिटीलाई १–० ले हार्यो ।
म्यान्चेस्टर सिटी पनि हार्यो । घरेलु मैदानमा सिटी क्रिस्टल प्यालेससंग ३–२ ले हार्यो ।
साउथ ह्याम्पटनले हडर्सफिल्डलाई ३–२ ले हरायो । वेष्टह्यामले वाटफोर्डलाई २–० को नतिजा सुम्पिँदा न्युकासल र फुल्हमले गोलरहित बराबरी खेले ।
लिगमा लिभरपुलले शीर्ष स्थानमा अन्तर बढाएको छ । १८ खेलबाट लिभरपुलको ४८ अंक छ । म्यान्चेस्टर सिटीको ४४ अंक छ ।