- सुन चाँदी दर
- विनिमय दर
- नेपाली पात्रो
- राशिफल
काठमाडौं । सरकारी बैंक मर्जरको विरोध संगसंगै तलव वृद्धिको माग राख्दै भारतमा बैंकमा काम गर्ने कर्मचारीहरु सामुहिक हड्तालमा उत्रेका छन् ।
२१ सरकारी र ९ निजी गरी ३० बैंकका १० लाख कर्मचारी एकैपटक हड्तालमा उत्रेपछि भारतमा बैंकको कारोबार ठप्प भएको छ ।
युनाइटेड फोरअ फ बैंक युनियनको नेतृत्वमा कर्मचारीहरु हड्तालमा उत्रेका हुन् । यो युनियनमा अरु पाँच युनियन पनि सामेल भएका छन् ।
यिनीहरुमा फेडरल, कर्नाटका, करुर वैश्य, धनलक्ष्मी र लक्ष्मीविलास बैंक सामेल छन् ।
हड्ताल गर्नुपर्ने कारणमा सरकारले बैंक अफ बडौदा, देना बैंक र विजया बैंक मर्जर पनि हो । इन्डियन बैंक एसोसिएसनले ८ प्रतिशत तलव बढोत्तरीको प्रस्ताव गरेको छ । जुन कर्मचारीलाई मन्जुरी छैन ।
बैंकमा सर्वसाधारणको पनि सेयर रहेकाले सरकारले एकल निर्णय गर्न नहुने कर्मचारीहरुको माग छ ।
कर्मचारी संघले बैंक लगातार पछिल्लो समय घाटामा गएका जिम्मा सरकारले लिनुपर्ने समेत बताएका छन् ।
कर्मचारीहरुको यो एक हप्ताको अवधिमा दोस्रो हड्ताल हो । गत शुक्रबार पनि हड्ताल गरेका थिए । शनिबार र आइतबार सार्वजनिक बिदा, सोमबार एक दिन कार्यालय खुले भने मंगलबार क्रिसमसको बिदा थियो ।