- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगिलिश प्रिमियर लिग फुटबलमा प्रशिक्षक जोजे मौरिन्हो हटाइएपछि म्यान्चेस्टर युनाइटेडको जितको रफ्तार बढेको छ ।
अन्तरिम प्रशिक्षक ओले जुनार सोल्स्जाएरले टिम सम्हालेपछि युनाइटेडले लगातार चौथो जित हासिल गरेको छ । त्यो पनि प्रतिस्पर्धात्मक हैन राम्रो गोल अन्तरले ।
लगातार चौथो जित आत्मसात् गर्ने क्रममा युनाइटेडले न्यूकासल युनाइटेडलाई उसकै मैदानमा २–० ले हरायो ।
रोमेलु लुकाकुले ६४ औं मार्कस रस्फोर्डले ८० औं मिनेटमा गोल गरेर युनाइटेडलाई जिताए ।
यो जित युनाइटेड फ्यानलाई खुशी राख्न निकै महत्वपूर्ण त छ नै त्यो भन्दा बढी महत्वपूर्ण ओलेलाई बनेको छ ।
उनले अन्तरिम हैन पूर्णकालीन प्रशिक्षक बन्न चाहेको बताएका छन् । यसरी युनाइटेडले आकर्षक खेल्दै गयो भने ओलेको जीवनमा ओले–ओले नहोला भन्न सकिन्न ।
युनाइटेडको यो जितपछि ३८ अंक भएको छ र लिगमा छैटौं स्थानमा छ । युनाइटेडभन्दा अघि ४१ अंकबाट आर्सनल, ४४ अंकबाट चेल्सी, ४७ अंकबाट म्यान्चेस्टर सिटी, ४८ अंकबाट टोटनह्याम र ५४ अंकबाट लिभरपुल छ ।
के के भयो बुधबार राति
बुधबार रातिका खेलमा बर्नमाउथ ३–३ वाटफोर्ड, चेल्सी ०–० साउथह्याम्पटन, हडर्सफिल्ड टाउन १–२ बर्नली, वेष्टह्याम २–२ ब्राइटन, वुल्भरह्याम्पटन ०–२ क्रिस्टल प्यालेस ।