-
-
-
-
काठमाडौं । पाकिस्तानी सेनाले बुधवार नियन्त्रण रेखा (लाइन अफ कन्ट्राेल)मा पाकिस्तानको सीमामा उडिरहेको भारतीय जासुसी ड्रोन खसालेको दाबी गरेको छ । पाकिस्तानी मेजर जनरल आसिफ गफूरले पाकिस्तानी सेनाले भारतीय जासुसी ड्रोन खसालेको दाबी गरेका हुन् ।
यसअघि मंगलवार पनि गफूरले ड्रोनको फोटोसहित सामाजिक सञ्जाल ट्वीटरबाट भारतीय ड्रोन नियन्त्रण रेखामा खसालेको दाबी गरेका थिए । उनले ट्वीट गर्दै कुनै पनि ड्रोनलाई कुनै पनि अवस्थामा यो रेखा पार गर्न नदिइने बताएका थिए ।
भारतले भने यो दाबी खण्डन गरेको थियो । भारतीय सेनाले भने नियन्त्रण रेखामा त्यस्तो कुनै पनि घटना नभएको बताएको थियो । पाकिस्तानका रक्षा अधिकारीका अनुसार गत वर्ष भारतका चार जासुसी ड्रोन खसालेको थियो ।
